Embedded Files
Mense Is Nie Berge Nie –
Deur D.Henning
Gepubliseer op 22 April 2025
As daar een ding is wat ek begin verstaan het, is dit dat mense nie gemaak is om vir altyd dieselfde te bly nie. Ons’s nie berge wat vir ewig trots en onveranderlik staan nie.
As daar een ding is wat ek begin verstaan het, is dit dat mense nie gemaak is om vir altyd dieselfde te bly nie. Ons’s nie berge wat vir ewig trots en onveranderlik staan nie.
Nee. Ons’s eerder die klippe wat van daardie berge afbreek – stadig gevorm deur wind, water, tyd, en die af-en-toe emosionele stormloop wat soos ’n vloedgolf deur jou kom op 'n Maandagoggend.
Nee. Ons’s eerder die klippe wat van daardie berge afbreek – stadig gevorm deur wind, water, tyd, en die af-en-toe emosionele stormloop wat soos ’n vloedgolf deur jou kom op 'n Maandagoggend.
Ons breek af van iets groots – dalk ons familie, ons omstandighede, of net die wêreld se verwagtinge. En dan, deur erosie (en dalk ’n paar onwelkome e-posse), word ons geskaaf, gevorm en gepolitoer tot iets nuuts.
Ons breek af van iets groots – dalk ons familie, ons omstandighede, of net die wêreld se verwagtinge. En dan, deur erosie (en dalk ’n paar onwelkome e-posse), word ons geskaaf, gevorm en gepolitoer tot iets nuuts.
Kleiner ja, maar ook skerper, ronder, ligter – en dalk net meer geskik om in iemand se sak gedra te word as herinnering van iets waardevols.
Kleiner ja, maar ook skerper, ronder, ligter – en dalk net meer geskik om in iemand se sak gedra te word as herinnering van iets waardevols.
Verandering Is Soos ’n Klip in ’n Rivier
Jy hoef nie verandering te kies nie – dit gebeur met jou, soos water oor ’n klip vloei. Dis nie dramaties nie.
Daar’s nie ’n vuurwerke-oomblik met ’n gospel-koor nie. Dis daai klein daaglikse wrywing – soos wanneer jy leer om ’n moeilike gesprek rustig te hanteer... of jou eers drie keer moet vermaan om nie die printer met jou skoen te slaan nie.
Dis wanneer jy leer om jou eie triggers te herken, en eerder asemhaal as om die honde, kinders, en koffiemasjien gelyk aan te blaf.
Dis groei.
Stil. Hardverdiend. Maar kragtig.
Ek Sit Tussen Mense Wat Elke Dag Hul Eie Berge Klim
Ek’t een aand tussen mense gesit wat baie verskil – party was lankal al halfpad klip, ander net begin loskom van hul berg.
Party het gestry teen drank. Ander teen hul werkverslawing.
Sommiges teen die stem in hul kop wat sê: jy is nie goed genoeg nie.
Maar almal het daai een ding in gemeen gehad:
Hulle’s besig om stadig te verander – teen hul eie pas, maar altyd vorentoe.
Een persoon het gesê: "Ek’t nou al ses maande nie gedrink nie. Ek’t vir die eerste keer my dogter se konsert onthou."
En dit het almal geraak. Want dit gaan nie net oor wat hy los nie, dit gaan oor wie hy aan’t word.
Jy Is Alreeds In Beweging – Jy’t Dit Net Nog Nie Agtergekom Nie
Selfs wanneer dit voel asof jy vasstaan, is daar steeds iets wat jou slyp. Elke koppie koffie wat jy rustiger maak, elke keer wat jy nie iemand uitoorlê met ’n sarkastiese opmerking nie, elke keer wat jy kies om te oefen – al voel jy soos ’n verroeste trekker.
Jy verander. Nie in groot spronge nie, maar in daai stil maniere wat ander dalk nie sien nie, maar wat jy voel, diep binne-in jou, wanneer jy stil raak.
Jy’s Nie ’n Berg Nie
Ons’s almal klippe – gebore van groter goed, deur storms gevorm, maar met die potensiaal om monumente van hoop te word, of net iets mooi vir iemand om vas te hou wanneer hulle dit die meeste nodig het.
So volgende keer as jy voel jy moet jouself regverdig omdat jy verander het, onthou net:
dit’s nie swakheid nie – dis wysheid.
En as jy ooit twyfel, onthou, selfs klippe word glad... as jy hulle lank genoeg koester.
Of in my geval – per ongeluk was in die wasmasjien saam met my jeans.
Google Sites
Report abuse